سلطة مونجتو مشرملة

السلام عليكم ورحمة الله وبركاتة

وصفتي لليوم

سلطة لذيذة و مغذية و سريعة التحضير:

سلطة مونجتو مشرملة

المقادير :

منجتو
( او كيف تسمى بالفرنسية: haricots coco verts / haricot plat )
ملح
ثوم
كمون
زبدة
قزبر و معدنوس مشلضين

الطريقة :

اولا كناخذ منجتو و نرقدها فماء فيه خل للتخلص من الشوائب
و نقيها و نقطعهها طراف كيف كنعملو مع اللوبية الخضراء
و نعملها تتبخر

(ممكن تسلقوها حسب الرغبة انا افضل التبخير ل
لحفاظ على الطعم و اكبر كمية من الفوائد)

كنقي الثوم و الربيع و نشلضهم

في مقلاة كنعمل الزبدة ( نصف ملعة كبيرة القياس حسب الرغبة و حسب كمية منجتو المشرملة)

و نضيف ليها ثوم مفروم و الربيع مشلض و الملح و الكامون

و نشحر الكل على نار مهيلة

ثم نضيف منجتو

و نشوحها بضع دقائق حتى تتشرب الشرمولة

التقديم :

نقدمها سخونة او دافية

و ممكن تشحروها وتشرملوها بالزيت او زيت الزيتون او ارڭان ...
بدل الزبدة حسب الرغبة
و المذاق دائما لذيذ

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

اختكم أمنــار

أم ريـَّــان

وعليكم السلام ورحمة الله وبركاته

حرشة معمرة بالكنفيتير و الكوك

السلام عليكم ورحمة الله وبركاته






كيف سبق و قلت انا من محبات الحرشة
و كنحاول ننوع فيها و فالحشوات ديالها (مالح حلو ...)







هاد المرة غنقدم ليكم الحرشة معمرة بالكفيتير و الكوك





كتجي غــــــــــــــــــــــــــــــزالة فــــــــــــنة رائــــــعة...
(هههه شكون شكار العروسة)





لكن ان شاء الله تجربوها و تردو عليا خبر



نخليكم مع المقادير و الطريقة

المقادير:





500 غرام سميدة الحرشة




ملعقة صغيرة ملح،
ملعقة كبيرة سكر

رأس ملعقة خميرة الخبز،
روح الڤانيلا غبرة
قطرات من روح الفرومبواز او سيرو بنكهة الفريز...

خميرة حلوى ،
فنجان حليب بودرة
فنجان زيت
1/4 لتر ماء / كاس ديال عنبة
(ممكن إضافة الماء اكثر حسب جودة الدقيق المستعمل)

للحشوه او العمارة


كوك محكوك جاهز
كنفيتير الفريز (من الافضل يكون كنفيتير ثقيل فيه طريفات الفريز كيجي افضل)
او اي كنفيتير باي نكهة حسب الذوق

الطريقة :








في إناء نخلطو المقادير الناشفة بالتتابع



كيف مبين فالصور
500 غرام سميدة الحرشة
+ ملعقة صغيرة ملح
+ ملعقة كبيرة سكر
+ رأس ملعقة خميرة الخبز
+خميرة حلوى بودرة
+ روح الڤانيلا غبرة
+فنجان حليب




نخلطو كلشي النواشف مزايان و نضيفو الزيت





و نفتلوها






كيف تانفتلو الكسكس او البات بريزي حتا تشرب الزيت





ثم نضيفو4/1 لتر ماء ونعجنو السميد






و نضيفو ليه ايضا قطرات من روح الفرومبواز او سيرو بنكهة الفريز





ونخلطو مزيان حتا نحصلو على خليط رخو
و متماسك فنفس الوقت





(ممكن إضافة الماء اكثر حسب جودة الدقيق المستعمل)



و نخليوها ترتاح شوية





و قسمت العجين الى كويرات بقياس المشمشة الكبيرة




و بديت كنحشيها بملعقة صغيرة كونفتير الفريز
و ملعقة صغيرة ممسوحة كوك





كنحطهم وسط الكرة المبسطة






و كنعاود نسدها و نكورها





كيف مبين فالصور



و بعد منكملو التعمار



نسخنو المقلة (مقلة وجدة الثقيلة افضل)





و كنبداو نمرمدو كويرات الحرشة فالسميدة من كل الجهات






و نڭرصوها كيف مبين فالصورة




و نبداو نطيبو الحريشات ديالنا





على نار مهيلة





حتى يتحمرو و يطيبو على خاطرهم
و يكتاسبو لون ذهبي محمر

التقديم :





نقدموها سخونة اوباردة





كتجي معسلة و معلكة بالكوك من الداخل
و مذاق غــــــــــــــــــــــــزال








بالصحة و الراحة

اتمنى تجربوها و تنال اعجابكم و تكون طريقة جديدة لتقديم الحرشة




ان شاء الله نحط ليكم طرق اخرى لحشو الحرشة و التنويع فيها

اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد





اللهم ادمها نعمة و بارك لنا فيها و اكتب لي بها حسنة طيبة و احفظها من الزوال





الله يرزقنا و إياكم خيرات الدارين و لا يحرمنا من طيبات الجنة و نعيمها





دمتم في رعاية الكريم





اختكم أمنــار





أم ريـَّــان


وعليكم السلام ورحمة الله وبركاته

ميرلا مشرملة و مقلية فالاكتيفراي مع الخضار

السلام عليكم ورحمة الله وبركاته

هدا طبق بسيطة و سريعة التحضير

ان شاء الله تعجبكم هاد الطريقة فقلي الميرلا بشكل مغاير

المقادير :

سمكة ميرلا وزن 1 كيلوغرام

الشرمولة :

ربيع مشلض
ملعقة صغيرة موطارد
ملعقة صغيرة زبدة
ضرس كبير ثوم محكوك
ملعقة كبيرة دقيق الشعير او للي متوفر عندكم
ملح ابزار كامون

الطريقة:

بعد منقيت الحوتة و غسلتها مزينا و قطرتها

وجدت الشرمولة ديالها
و للي هي :

ربيع مشلض +ملعقة صغيرة موطارد + ملح ابزار كامون
+ملعقة صغيرة زبدة + ضرس كبير ثوم محكوك
+ملعقة كبيرة دقيق الشعير او للي متوفر عندكم

خلطتهم مزيان حتى حصلت على عجينة كريمية متجانسة

و شديت الحوته ديالي و دهنتها مزينا بهاد الخليط من كل الجهات

و للي بقا دهنت بيه الكرش ديالها

و حطيتها فمقلات

و مباشرة للاكتيفراي

و سديت عليها حتى طابت و تقلات

و فهاد الوقت كان عندي البطاطة و خيزو مسلوقين جاهزين كيف العادة

خذيتهم و شرملتهم الشرمولة التقليدية البلدية

مع الربيع مشلض و التحميرة و الكامون و الملح و الثوم مدقوق
و ملعقة زيت بلدية (زيت العود)

و قدمتهم برفقة الميرلا

التقديم :

قدمت الكل مرفق بترونشات الحامض
و مزين بالربيع

بالصحة و الراحة

ملاحظة:

نفس الطريقة يعني الحوت مقلي بخلطة شرمولة الزبدة
ممكن تعملوها مع اي نوع سمك
او حتى لحم احمر او ابيض دجاج...
و ممكن تضيفو ليها اي توابل كتفضلو

و تطبوها فالفرن يعني تقلى فالفرن بدل متقلى فمقلات الزيت
كتجي الذ و مكتشربش الزيت و مڭررررررملة من برا و طرية من الداخل
كل وصفات الاكتيفراي ممكن تعملوها فالفرن بنفس الطريقة
اي شي كيتقلى فالزيت ممكن دهنون بزيت او زبدة
و دخلوه للفران يتحمر و يكون طعمو احسن و صحي الكثر

ان شاء الله تجربوها و تردو عليا خبر

اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

اختكم أمنــار

أم ريـَّــان

وعليكم السلام ورحمة الله وبركاته