بحث هذه المدونة الإلكترونية

الجمعة، 20 فبراير، 2009

معجنات الروسول و الجزر و البطاطا المشرملة





السلام عليكم ورحمة الله وبركاتة






هاذ السلطة ســــهلة و لذيذة و كتشبــــع
ممكن تقديمها كطبق مقبلات مرافق لطبق رئيسي
او الاكتفاء بيها كطبق رئيسي لعشا





كنعملها لما كيجيوني
ضياف على غفلة و مكتكونش عندي خضرة منوعة او الوقت لتحضير السلطة
او كعشا مع شي بسيط ( كفتة او طون او فيلي ...)






المقادير:

معجنات

خيزو
بطاطة
ربيع
ابزار
ملح
خل
زبدة
فص ثوم
نكهة بيستاش
زيت
اوراق خص
ملعقة كبيرة زبدة









الطريقة:



غسلت الجزار و البطاطا و نقيتهم و قطعتهم مكعبات طويلة
و سلقت خيزو فماء مملح
و البطاطة كذلك


بالنسبة للمعجنات ( اختاريت نوع
fusilli)
قسمتها قسمين
قسم سلقتو فالماء عادي مع الملح
و قسم سلقتو فماء الباربا
مع الملح
للي حتافظت بيه بعد سلق الباربا،

بعد النضج ،
خلطت القسم الاول من المعجنات مع ملقعة كبيرة من نكهة البيستاش
و رشة ملح و ابزار و خل
و ضفت ليه القسم الثاني
للي تسلق فماء الباربا و اكتسب اللون الغوز
و خلطت الكل مع ملعقة صغيرة من الزيت ( زيت ارڭان)



و حظرت الشرمولة :
فص ثوم كبير محكوك
+ ربيع مقطع
+ رشة ملح
+ رشة ابزار
+ ملعقة كبيرة زبدة
ديتهم و جبتهم فوق عافية مهيلة
و قسمت الشرمولة جزئين
جزء عملتو للجزر
و جزء عملتو للبطاطة











التقديم :






قدمت الكل فطبق مفرش بالخص كيف مبين فالصورة
للاسف مزينتهاش و خليت التقديم بسيط حيت مكانش عندي الوقت لتفنن هههه


ملاحظة :





باش تنجح معكم للمعجنات ( les pates ليپات)

مترميوها حتى يكون الماء مغلي مزيان كيفور
و كمية كافية لسلقها
باش متضطروش تزيدو ماء بارد لو كان الماء قليل،
و دائما احترمو وقت السلق ،
غالبا مكتكون مدة السلق بين 5 و 7 دقائق
حسب درجة حرارة كل شعلة
( كويزينير عن كويزينير او توندور يختلف،
كلا كيريڭليهم على هواه و حاجتو)،
و
بعد متسلقوها و تعملوها تقطر
كبو عليها ماء بارد باش توقفو عملية الطياب
لانها كتزيد تطيب ملي كتبقى سخونة و ممكن تتعجن،
و لما تتسقطر من الماء
دهنوها اما بالزبدة او الزيت
باش تعطيوها لمعان و متتعجنش او تكرم .












اللهم ادمها نعمة و بارك لنا فيها و اكتب لي بها حسنة ترضاها و اجعل فيها الصحة و العافية

الله يرزقنا و إياكم خيرات الدارين و لا يحرمنا من طيبات الجنة و نعيمها



ان شاء الله تروقكم


د
متم في رعاية الكريم
أمنــار
أم ريـَّــان





الجمعة، 13 فبراير، 2009

سلطة مشكلة







السلام عليكم و رحمة الله






















المقادير :

خيزو
بطاطة
مطيشة
لوبية خضراء
خيار
مكور
ربيع
بصلة مشلضة
ملح
ابزار
كامون
خل
ميونيز

















الطريقة :


نغسلو خيزو و نقيوه و نقطعوه مكعبات و نسلقوه
نغسلو البطاطة و نقيوها و نقطعوها مكعبات و نسلقوها
نغسلو مطيشة و نقطعوها مكعبات
نغسلو لوبية خضراء و نقيوها و نقطعوها مكعبات و نسلقوها
نغسلو خيار و نقيوه و نقطعوه ترونشات رفيعة
نغسلو مكور و نقيوه و نقطعوه رقاقات رقيقة

و كنبداو فتحضير الصوصات

بالنسبة لخيزو بعد مكيطيب و كيبرد كنخلطو مع الربيع و ضرس ثوم محكوك و رشة ملح و رشة خل و الابزار و ملعقة كبيرة ميونيز

ونفس الشي بالنسبة للمكور كنخلطو برشة ملح و رشة خل و الابزار و ملعقة كبيرة ميونيز

ونفس الشي بالنسبة للبطاطة كنزيد عليها شوية بصل مشلظ و مع الربيع و رشة ملح و رشة خل و الابزار و ملعقة كامون و ملعقة كبيرة ميونيز

ونفس الشي بالنسبة للوبية خضراء كنزيد عليها شوية بصل مشلظ و ضرس ثوم محكوك مع الربيع و رشة ملح و رشة خل و الابزار و ملعقة كامون و ملعقة كبيرة ميونيز


و بالنسبة للمطيشة كنخلطها مع شوية بصل مشلظ و رشة ملح و رشة خل و الابزار

و بالنسبة للخيار كنتبلو برشة ملح و خل


و نبدا نستف الكل فطبق التقديم
كنبدا من الخارج للداخل

كندير كمية من البطاطة تبعها نفس الكمية من اللوبية ثم خيزو ثم البطاطة ثم المكور و البطاطة و اللوبية و خيزو و البطاطة ... وهكا حتى كنكمل الدورة ديال الطبسيل
بعدها كندير فالوسط دوائر الخيار بالتتابع على شكل زهرة و نعمل فالمركز ديال الطبسيل مطيشة

طبعا كلا تزين كيف بغات












التقديم :










و كنقدمها بالحين بالصحة و الراحة






اللهم ادمها نعمة و بارك لنا فيها
و اكتب لي بها حسنة ترضاها
و اجعل فيها الصحة و العافية

الله يرزقنا و إياكم خيرات الدارين
و لا يحرمنا من طيبات الجنة و نعيمها
دمتم في رعاية الكريم

أمنــار
أم ريـَّــان

وعليكم السلام ورحمة الله وبركاته

الاثنين، 9 فبراير، 2009

عصير موس التفاح بالشكلاطة و الحليب




السلام عليكم ورحمة الله وبركاته






عصير اليوم

عصير موس التفاح بالشكلاطة و الحليب








و ملي كنقول موس راه موس





و الملعقة شاهدة







نخليكم مع المقادير و الطريقة البسيطة













المقادير :






دائما الكميات حسب عدد الاشخاص




تفاح
شكلاطة سوداء او شكلاطة بالحليب (اڭبيل احسن شي فالطعم)



حليب بودرة 5 معالق لكل كاس

ماء انا استعملت لتر الا ربع ماء
سكر حسب الذوق
مستعملتوش لان الشكلاطة حلوة كفاية بالنسبة لي


الكميات حسب عدد الاشخاص

مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري












الطريقة :


اولا كنغسلو التفاح و بقشروه و نقيوه من العلفة




و نقطعوه مكعبات صغيرة




ثم فالخلاط كنديرو مكعبات الشكلاطة مع التفاح




مع نصف كمية الحليب بودرة و قليل من الماء

غير القياس فاش عنطحنو ه مزيان




و كنطحنو الكل مزيان




حتى كيتجانسو و كنضيفو قياس الماء و الحليب البودرة الباقي







باش يعطينا عصير موسو ثقيل و قوامو عاقد




كتتشكل فيه طبقة عصيرو طبقة موس فالاعلى






ممكن تتكال بالملعقة












مكنضيفش السكر لان حلاوة الشكلاطة تكفيني
انتم اضيفو السكر حسب الذوق

و نقدموه مباشرة بالصحة و الراحة









التقديم:







قدمتو مباشرة بعد الطحن







مزين بالشكلاطة




عصير ساهل سريع و مغذي و منعش فنفس الوقت





و ممكن تعوضو الفواكه للي استعملت بالمتوفر عندكم

و بالصحة و الراحة








اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وصفات مشابهة

 
Paperblog