بحث هذه المدونة الإلكترونية

الاثنين، 7 نوفمبر، 2011

قطبان اللحم بطريقتي (عيد مبارك سعيد)

السلام عليكم

عواشركم مباركة

عيد مبارك سعيد
































ينعاد عليكم بالخيرات و البركات و اليمن و المسرات
الله يتقبل منا و منكم الاضحية و الصدقات و صالح الاعمال

هاد الوصفة طبعا معروفة و من شهيوات العيد الكبير
القطبان باللحم (غنمي او بڭري...)


كنظن كلشي كتعجبو كبار وصغار و كلشي كيعرف ليها لانها سهلة بزاف لا من المقادير لا من التحضير
و كتبقى فروقات صغيرة فطريقة كل بيت و تقديمها



و هادي طريقتي البسيطة لعمل القطبان سواء ا غنمي او بڭري
المهم تختارو قطعة لحم من الكتف حيت كتكون اللحم فيه طرية و رطبة و مفيهاش ڭترة عصب او جلد او شحم














نخليكم مع المقادير و الطريقة :







المقادير :



لحم كتف عجل او غنمي (
800 غرام الى 1 كيلوغرام حسب عدد الاشخاص)


1 بصلة حمراء


1 ربيطة صغيرة معدنوس
1 ملعقة صغيرة كامون
ملح
ابزار


2 معالق كبيرة زيت ارڭان











الطريقة :




نقطعو اللحم لمكعبات بالحجم للي يناسبنا


نقيو و نشلضو البصلة رقيقة


نشلضو المعدنوس

فإناء نخلطو مكعبات اللحم مع البصل و المعدنوس و الكامون و الملح و الابزار و زيت الارڭان



و نخليوه يتخمر فالثلاجة على الاقل ساعة و من المفضل تخليوه يبات ليلة كاملة كلما تخمر اكثر كلما كان الطعم احسن
!

نجهزو القطبان ( لو غتعملوه فقطبان عود رقدوهم فالماء 30 دقيقة قبل متعمروهم باش ميتحرقوش وقت الشوا)
نعخرجو اللحم المخمر من الثلاجة و نعمرو بيه القطبان
و نجهزو الشواية او المجمر انا كنستعمل الشواية ديال الضو حيت مكنقدر على الفاخر



نخليو القطبان يتشواو على كل الجهات حتى يطيبو القياس للي بغينا
شخصيا كنفضلهم يكونو باقي طريين شوية
يعني كيف كنقولو سينيون ماشي دايزهم طياب ، كيكونو اطرى و الطعم اغنى










التقديم :

و نقدموهم فالحين بالصحة و الراحة



مع خبيز (لو كان البطبوط سخون يا سلام)
و كيوس اتاي منعنع


و هاهي شهيوة من داكشي الرفيع سهل منها مكاين فالشهيوات




اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته

ليست هناك تعليقات:

إرسال تعليق

وصفات مشابهة

 
Paperblog