السلام عليكم ورحمة الله وبركاته
ان شاء الله تكونو كلكم بالف خير
كيف واعدتكم هادي وصفة اخرى و طريقة اخرى
بسيطة و ساهلة لتقديم الفلان سريع التحضير بشكل مميز
الجميل فالفلان هو انه ممكن يتقدم كديسير فالايام العادية او فالمناسبات و الضيافة
ان كان فالصيف بارد او ففصل الشتاء يتقدم بدرجة حرارة المطبخ
و ديسير جد اقتصادي و ناجح 100%
ان شاء الله تكون اضافة جديدة
و انا عند وعدي باقي وصفات اخرى للفلان سهلة و لذيذة
وصفتي اليوم:
فلان بالپيستاش
ان شاء الله ينال اعجابكن
نخليكم مع المقادير و الطريقة
المقادير :
دائما الكميات حسب عدد الاشخاص
حليب
بودرة فلان سريع التحضير بدون سكر او نكهات
سكر
ملعقة صغيرة روح الپيستاش للتنسيم
حبات پيستاش مقطعة رقائق
الكميات حسب عدد الاشخاص
معروف ان علبة الفلون العادية كتتخلط مع نصف ليتر حليب
و كتعطي 4 الى 6 فلانات حسب حجم الاناء فاش غيتقدم
يعني ضاعفو الكميات حسب الحاجة
الطريقة :
اولا كنقطع حبات الپيستاش الى رقائق و نخليها على جنب
و كنحضر الفلان
كنخلط بودرة الفلان مع الحليب و السكر
فالخلاص الكهربائي باش يسهل عليا خلطها بنجاح
و كنعمل الخليط فكاسرونة و نديرو يفيض
و فهاد الاثناء كنجهز الكؤوس (انا قدمتو فكؤوس فيرين بدل الزلايف للتغيير)
و لما كيفيض الفلان
كنضيف ليه ملعقة صغيرة من روح الپيستاش و نخلطها معه
ثم كنكبو فالكؤوس
بشوية
باش ميترونش لي الكاس
و كنلوح فيه قطع لن البيستاش
مقطعة او مهرمشة
كندخل الفلان للثلاجة يجمد
و كنزينو برقائق الپيستاش و نخليه لحين التقديم
التقديم :
قدمتو بعد مجمد تماما
دابا برد الحال خرجتو من الثلاجة نصف ساعة قبل التقديم
و خليتو خدا درجة حرارة المطبخ باش ميكون بارد
و ممكن تعوضو الفواكه الجافة او المكسرات بالمتوفر عندكم
و بالصحة و الراحة
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتم في رعاية الكريم
أمنــار
أم ريـَّــان
وعليكم السلام ورحمة الله وبركاته
المشاركات
ليست هناك تعليقات:
إرسال تعليق