السلام عليكم ورحمة الله وبركاته
الله يكتب لينا فهاد الايام المباركة نيل رحمته و غفرانه
عصير اليوم ان شاء الله بفاكهة الموسم
جد مغذي و منعش و سهل التحضير
عصير الكرموص الاسود بالليمون
نخليكم مع المقادير و الطريقة
المقادير :
دائما الكميات حسب عدد الاشخاص
الليمون
كرموص
ماء للطحن او عصير الليمون (حسب الذوق)
سكر (اختياري حسب الذوق)
شخصيا لكل كاس عصير من الحجم الكبير كنعمل :
ليمونة كبيرة + 2 كرموصات
و كنضيف الماء او عصير الليمون حسب الكثافة للي بغيت
الطريقة :
اولا كنغسلو الفواكه فالماء و الخل و كنضفوها مزيان
كنقطع كذلك الكرموص وكنقشر الليمون و نحيد ليه العلف و نقطعو مكعبات
ثم فالخلاط كندير الكرموص والليمون و الماء غير القياس للي يسهل طحن الفواكه جيدا
وكنطحن الكل مزيان حتى كيتجانسو
ثم كنضيف الماء الباقي او عصير الليمون
و السكر حسب الذوق و كنطحن الكل مرة اخرى
حتى الحصول على عصير بقوام كثيف
يعني قياس الماء حسب عدد الكؤوس للي بغيتو تقدمو
اي حسب عدد الاشخاص كل كاس كبير بنصف كاس متوسط او بكاس صغير
العبار كيبقى حسب احجام الكؤوس كاين ديال 15 او 25 او 50 او 75 سنتيليتر او اكثر
انا هنا استخدمت كؤوس من الحجم الكبير 50 سنتيليتر
زينت الكؤوس بكرموصة صغيرة
تكيتها فجنب الكاس
التقديم :
كيف العادة كنقدم العصير مباشرة بعد الطحن
باش تكون الاستفادة من فوائد الفاكهة اكبر
و ممكن تعوضو الفواكه للي استعملت بالمتوفر عندكم
و بالصحة و الراحة
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتم في رعاية الكريم
أمنــار
أم ريـَّــان
وعليكم السلام ورحمة الله وبركاته
المشاركات
ليست هناك تعليقات:
إرسال تعليق