بحث هذه المدونة الإلكترونية

الثلاثاء، 11 مايو، 2010

سموثي الفريز بالبنان المركز






السلام عليكم ورحمة الله وبركاته

















عصير اليوم:

سموثي الفريز بالبنان







ان شاء الله ينال اعجابكم



نخليكم مع المقادير و الطريقة البسيطة










المقادير :










بنان



فريز


سكر او عسل للتحلية حسب الذوق
( شخصيا كنفضلو طبيعي دون اضافة محليات)


ماء (كنطحن كل كاس كبير بنصف كاس عنبة ماء وممكن تعوضو الماء بعصير الليمون حسب الرغبة)




للتزيين :


حبات فريز

دائما الكميات حسب عدد الاشخاص






الطريقة :






اولا كنغسلوالفواكه فالماء و الخل و كنضفوها مزيان

كنقشر البنان و كنقطعو مكعبات
و كذلك الفريز كنقطعو ترونشات

و نعملهم فالخلاط





لكل كاس عصير من الحجم الكبير كنعمل :
2 بنانات من الحجم الصغير + 200 غرام فريز
سكر او عسل للتحلية حسب الذوق




و كنطحن كل كاس كبير بنصف كاس عنبة ماء




فالخلاط حتى تتجانس و تعطينا خليط ثقيل و كثيف




كيف مبين فالصور السموثي كيجي عاقد و ثقيل القوام


نكبو السموثي ديالنا فكؤوس التقديم




و نزينوه كيف مبين فالصور







انا زينتو بحبات فريز غرزتها فجنبات الكؤوس








التقديم :







كنقدم السموثي مباشرة بعد الطحن







ممكن يشرب او يؤكل بملعقة حسب الرغبة





ملاحظة :

لما كيكون الحال سخون ممكن نطحنوه بالماء المثلج اما فالبرد فبالماء عادي

و دائما غير يتطحن يتقدم باش تكون الاستفادة من فوائد الفاكهة اكبر


ممكن تعملو السموثي باي فاكهة متوفرة عندكم
و هو مفيد جدا للصغار و الكبار لان تركيز الفاكهة كيكون كبير



و ان شاء الله تكون فكرة التقديم نافعة
و التزيين كيبقى حسب الرغبة









اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد



اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


الله يرزقنا و إياكم خيرات الدارين و لا يحرمنا من طيبات الجنة و نعيمها


دمتم في رعاية الكريم


أمنــار


أم ريـَّــان

وعليكم السلام ورحمة الله وبركاته

الأحد، 9 مايو، 2010

مرقة البڭري بالجلبانة الخضراء






السلام عليكم ورحمة الله وبركاته





هاد الشهيوة معروفة










و هذا وقتها لله الحمد

















المقادير:





حسب عدد الاشخاص




جلبانة خضراء طرية






لحم بقري مقطع (اي جزء كتفضلو انا عملت الفخض)



بصلة كبيرة مشلضة



معدنوس
ضرس كبير ثوم
ملعقة صغيرة ملح
ملعقة صغيرة كامون
نصف ملعقة صغيرة سكنجبير
نصف ملعقة صغيرة خرقوم
نصف ملعقة صغيرة راس الحانوت
ملعقة كبيرة زيت الزيتون




مطيشة




زيتون



بودرة تنسيمة البڭري ( اختيارية)
حامض مرقد



ماء للنصب













الطريقة :

اولا كنقيو الجلبانة
و بعدها كنرقدوها فالماء معصور فيه حامضة
و من الافضل نخليوها فذاك الماء مدة فالثلاجة مثلا ساعة
حتى يتحيد منها الرواسب
و فنفس الوقت الحامض كيقتل الطفيليات
و كيحافظ على لون الجلبانة باش ميتاكسد و يولي لونوها بني بدل الاخضر لما طيب

بعدها كنصفيوها و نعاودو نشللوها بالماء

و نبداو فتحضير الطبق





فالكوكوط كنديرو اللحم و البصلة المشلظة



مع التوابل : ملعقة صغيرة ملح + ملعقة صغيرة كامون
+ نصف ملعقة صغيرة سكنجبير + نصف ملعقة صغيرة خرقوم
+ نصف ملعقة صغيرة راس الحانوت + ملعقة كبيرة زيت الزيتون



كنخليو الكل يتشحر مع ملعقة ماء باش متحرقش لينا التوابل او العطرية
بعد متتشحر اللحم و البصلة كنضيف الثوم و قياس الماء الكافي فاش غيطيب الكل
و كنسد الكوكوط حتى يطيب كلشي




بعد متكون اللحم طابت كنضيف الجلبانة و ملعقة صغيرة بودرة تنسيمة البڭري
(كتعطي طعم مميز لان الجلبانة اصلا فيها طعم حلاوة و طبعا ليكم الحرية فاضافتها او لا )




و كنضيف الزيتون و المعدنوس مشلض رقيق و مطيشة مشلضة و الحامض المرقد



و كنسد عليهم و نخليهم يطيبو واحد 3 دقائق



و نخلي المرقة تتبخر شوية باش تجي واقفة و ثقيلة



التقديم :







و بعدها كنقدم الكل فطاجين او طبق التقديم




كنستف اللحم اولا ثم الجلبانة ثم الزيتون و الحامض المرقد




و بالصحة و الراحة









ملاحظة:

الجلبانة معروف عليها دغيا كطيب لذلك طيبت اللحم اولا عاد ضفت ليها الجلبانة باش متدوبش

و طبعا ممكن تنقيو الجلبانة و تنظفوها بالطريقة للي ذكرت الماء و عصير الحامض
و لو كنتو عتحفظوها فالثلاجة قبل الطبخ قطروها من خليط الماء و الحامض
و ديروها فميكات بلا متشللوها باش تبقى محافظ على لونوهافالثلاجة لحين وقت الطبخ
او جمدوها باش تبقى عندكم طيت السنة جاهزة للاستعمال فاي وقت



ان شاء الله تعجبكم طريقتي و تفيدكم





اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

د
متم في رعاية الكريم

أمنــار

أم ريـَّــان

وعليكم السلام ورحمة الله وبركاته

الخميس، 6 مايو، 2010

فلان2 طبقات العنب بسيرو الكاسي / كشمش الاسود



السلام عليكم ورحمة الله وبركاته





وصفتي اليوم:




فلان 2طبقات العنب بسيرو الكاسي/كشمش الاسود




هاذ الفلان ساهل ماهل
مع ان شكلو كيبان صعب التطبيق
و كيليق تقدي
مه كديسير للضياف
اقتصادي جدا و ممكن تنوع فيه حسب المتوفر عندك من فواكه


ان شاء الله ينال اعجابك
م

نخليكم مع المقادير و الطريقة










المقادير :



دائما الكميات حسب عدد الاشخاص





فلان بودرة سريعة التحضير بدون سكر او نكهات

سكر
حليب
نصف ملعقة صغيرة بودرة الڤانيلا للتنسيم
حبات عنب (اسود)
سيرو الكاسي الاسود (Cassis)



الكميات حسب عدد الاشخاص

معروف ان علبة الفلون العادية كتتخلط مع نصف ليتر حليب
و كتعطي 4 الى 6 فلانات حسب حجم الاناء فاش غيتقدم
يعني ضاعفو الكميات حسب الحاجة










الطريقة :




اولا كنغسل العنب و نقيه و نحيد الحبات من العنقود و نخليها على جنب



و كنحضر الفلان

كنخلط بودرة الفلان مع الحليب و السكر و بودرة الڤانيلا
فالخلاص الكهربائي باش يسهل عليا خلطها بنجاح
و كنعمل الخليط فكاسرونة و نديرو يفيض




و فهاد الاثناء كنجهز الكؤوس (انا قدمتو فكؤوس فيرين بدلالزلايف للتغيير)




كندير فكل كاس كمية من حبات العنب 6 او 9 حبات





ثم كنكب عليها قليل من شراب او سيرو الكاسي مخفف بالماء طبعا





تقريبا ملعقة كبيرة من السيرو مع 2 معالق ماء لتخفيف الحلاوة





و لما كيفيض الفلان كنكبو فالكؤوس بشوية باش ميترونش لي الكاس




و كتتشكل اوتوماتيكيا 2 طبقات طبقة العنب و السيرو التحت

و فوقها طبقة الفلان





كندخل الفلان للثلاجة يجمد لحين التقديم




و لما بغيت نقدمو زينتو بحبات صغيرة من العنب


















التقديم :







قدمتو بعد مجمد تماما




مزين بحبيبات عنب









و ممكن تعوضو الفواكه و السيرو للي استعملت بالمتوفر عندكم




و بالصحة و الراحة














اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد


اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


الله يرزقنا و إياكم خيرات الدارين و لا يحرمنا من طيبات الجنة و نعيمها


د
مت في رعاية الكريم

أمنــار


أم ريـَّــان


وعليكم السلام ورحمة الله وبركاته

وصفات مشابهة

 
Paperblog