بحث هذه المدونة الإلكترونية

الثلاثاء، 17 نوفمبر، 2009

الشْنيـك









السلام عليكم ورحمة الله وبركاتة



اليوم غنزل ليكم
وصفة الشنيك المعتمدة عندي
و ان شاء الله تجربوها و تعجبكم
كيف جربتها انا و عجباتني

بالنسبة للشنيك
فمكنستغنيش عن وصفة
OUM KHALIL ET ADAM




ماشاء الله عليها
(و نقلتها ليكم بالحرف مع تعديلات بسيطة)
بعد مجربتها عدة مرات
و دائما كيجي الشنيك غزال شهوة منو
فالله يجزاها عني خيرات الدارين












المقادير :



هاذي مقادير الوصفة الاصلية :


نصف كيلو طحين فورص



ربع معلقة صغيرة الملح



قليل من الماء الدافىء



4 معالق كبار سنيدة

1 فاني

1 بيضة



2 معالق كبا خميرة الخبز




2 معالق كبار الزبدة او 50 غرام


1خميرة الحلوى







لتوراق العجين:



200غرام الزبدة مخلطة ب1 خميرة و1 فاني




للحشوة



كريم باتسيير
الفواكه المرقدة
اصفر البيض لدهن شنيك










الطريقة:

نخلطوا جميع مقادير العجينة
اللي دكرت اضافة الماء الدافىء
حتى تجتجمع و ندلكوها مزيان



انا خدمتها فالعجان(معڭازة)



تم نقسموها الى 6 كويرات متساوية




كناخدوا كل كويرة و نبسطوها
و نورقوها بخليط الزبدة مع الخميرة و الفاني
و نشكلوهم بحال المسمنة

و هكدا بالنسبة للكويرات كلهم



تم نبسطوا المربعات
و نعملوا واحدة فوق واحدة
و احنا كنعملو الزبدة
حتى نكملوا المربعات كلهم
و نكملوا خليط الزبدة
خاص داك 200 غرام الزبدة
كلها تدخل في العجين اثناء التوراق





كنخليوها ترتاح
و من الافضل تدخليها للثلاجة
كتكون افضل فالتوراق



و نوجدو الكريم باتيسيير

انا كناخذ البودرة الجاهزة
كنخلطها كيف معروف مع الحليب و السكر
و ممكن نضيف عليها اي نكهة
و نديرها تطيب مع التحراك المستمر
حتى تعقاد
كيف مبين فالصور


كنجبدو العجينة ديلانا من الثلاجة
على بال متبرد الكريمة
(باش متقطعش لينا العجين)


كنطلقو
العجينة فوق سطح مرشوش بشوية فورص

و ندوزو عليها الدلاك



و نحاولو ما امكن نشكلوها بحال مستطيل
باشتجي ساهلة فاللف







حتي تعطينا سمك مناسب
تقريبا كيكون بحجم راس الاصبع





وناخذو الكريم باتيسيير
و نسرحوه فوقها
و بعدها ندردرو عليها الزبيب






و نلويوها بحال الزربية
بدون ضغط باش متخرش الكريم باتيسيير




تم الى الفريكو
حتى تقساح لينا العجينة
باش تجينا ساهلة في التقطاع
على شكل شنيك







و تبارك الله كلشي كيعرف للطريقة
تم نوضعوهم في لاطة مدهونة
و نخليوهم حتى يخمروا شي ساعة الوقت



تم ندهنوهم تم الى الفرن






من بعد مكيطيبو كندهنهم بشوية الكونفيتير
و ندرردروا عليم شويو اللوز



ملاحظة :





الاخت ام ادم و خليل قالت هدا الطريقة الشنيك

دائما كتعملها كانت خداتها من واحد الكتاب
كيجيوا احسن من ديال الزنقة
ببزاف المرات روعة روعة
و حتى اللي داقهم كيطلب مقاديرهم
و كيخرجوا تبارك الله 20 شنيكة








و صراحة كيجي رائع
كيف قالت مولاتو
غير كيف شفتو فالصور انا ضاعفت المقادر
يعني ضربتها ف 2
و عطاتني 40 شنيكة



و فبلاصة الفواكة المرقدة او المعسلة
عملت الزبيب

و غيرت بعض الشي فالمقادير
درت الزبيب بدل الفواكه المعسلة
و مرات كندير الشكلاطة



و كندهن بكونفتير المشماش بدل العسل
لانه كيضيف نكهة خاصة





و بدل مندهن بالبيض
(لإعطاء اللون الذهبي)
عادة كندهن المعجنات بالڭليكوز
لاني عندي النيف حساس شوية
ولو يكون منكه كنشمو
يعني كنكره نشم رائحة البيض المدهون فالمعجنات
و بدلو اما كندهن بالحليب و السكر و روح اللوز
او بالڭليكوز و الماء و روح اللوز

















التقديم :



كيف قلت
من بعد مكيطيبو كندهنهم بشوية الكونفيتير
ديال المشماش ( حيت كيعطي نكهة المشمش)
و لمعة زوينة
و ندرردروا عليم شويو اللوز
و نقدمهم بالصحة و الراحة








ملاحظة :



انا كنعمل كمية كبيرة كيف قلت 40 شنيكة
و كنطيبها نصف طيبة يعني يلاه كتبدى تتحمر
و كنجبدها نخليها تبرد
و نقسمها فميكات و ندخلها للفريزر



و هكا كيكون ديما عندي الشنيك المنزلي واجد
ملي كنبغيه للفطور او الكاسكروط
او ملي كيجيني شي ضيف او زائر على غفلة



كنجبد الشنيكات
و نستف العدد للي بغيت فالطاوة
و ندخلهم يكملو التحمار ديالهم فالفران
و ملي كنخرجهم
عاد كندهنهم بالكونفيتير
( احسن شي يكون ديال المشماش)
و ندرد عليهم اللوز مهرمش
و هاهما واجدين
للتقديم
سخان و لذاذ



و هنا شرح بالصور للي ذكرت



لاحظوهنا الشنيك طيبتو نصف طيبة
لونو باقي متحمرش مزيان







بعد مجبدتو من الفريكو
و كملت ليه الطياب والتحمار






و هان فين تدهن بالكونفيتير
و دردرت عليه اللوز




جاهز للتقديم
رطب و سخون و لذيذ

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد






اللهم ادمها نعمة و بارك لنا فيها و اكتب لي بها حسنة طيبة و احفظها من الزوال






الله يرزقنا و إياكم خيرات الدارين و لا يحرمنا من طيبات الجنة و نعيمها





د
متم في رعاية الكريم





أمنــار





أم ريـَّــان


وعليكم السلام ورحمة الله وبركاته












الجمعة، 6 نوفمبر، 2009

سابلي قشور الليمون بالزنجلان




السلام عليكم ورحمة الله وبركاته







اليوم عنقدم ليكم سابلي ساهل ماهل


و مقاديرو بساط و المذاق لذيذ
بالنسبة للناس للي عزيز عليهم الزنجلان و الليمون طبعا:



سابلي قشور الليمونبالزنجلان














المقادير :





200 غرام زبدة لينة
150 غرام سكر ڭلاصي
ملعقة فانيلا
كنشري روح الفانيلا (غبرة ماشي السكر فاني) بالعبار احسن و نكهتها اقوى من الساشي
2معالق كبيرة ماء زهر
2 معالق كبيرة خل
4 معالق كبيرة قشر الليمون محكوك رقيق


بيضة واحدة
15 سنتيليتر زيت
500 غرام دقيق الحلويات الممتاز
ملعقة كبيرة خميرة الحلوى
ملعقة صغيرة مايزينا
50 غرام زنجلان















الطريقة :


في إناء كنطربو الزبدة مع السكر ڭلاصي




حتى الحصول على خليط كريمي ابيض



ما يسمى پوماد




ثم كنضيفو الزيت


و كنطربو مرة اخرى

ثم كنضيفو البيضة



و نطربو الكل مزيان حتى يتجانس و يعطينا كريمة موس ثقيلة


ثم نضيفو قشر الليمون




و نخلطو الكل حتى يتجانس الخليط



ثم نضيفو 2معالق كبيرة ماء زهر و 2 معالق كبيرة خل
و نخلط



ثم كنضيفو الدقيق المنخول


بشوية بشوية



مع الفاني و خميرة الحلوة و المايزينا ،





و نستمرو فإضافة الدقيق



بشوية بشوية




مع العجن



حتى الحصول على كرة متجانسة مكتلصقش فاليدين






كنسخنو الفرن بدرجة حرارة 180°



و كنبداو فتحضير السابلي



كنحطو العجينة ديالنا على سطح العمل النظيف








كنضيفو ليها الزنجلان




و نعجنها حتى يتمازج معاها




ملاحظة مضفتش الزنجلان فاول العجين باش ميشربش السوائل و
يجي مندي
كنبغيه يحافظ على طراوتو و يجي السابلي مڭرمل اكثر




و كنطلقوها بالمدلك





ثم كنبداو فتشكيل السابلي ديالنا باي شكل كتفضلو
حسب المراشم للي عندكم




انا عملتو بشكل شميسة

و كندردر شوية زنجلان على كل قطعة



وجدت الطاوة فرشتها بورق الزبدة



و بديت كنستف فيها السابلي
حاولو تهزوه بشي ملعقة او سباتيل
باش يحافظ على شكلو و ميكونوش فيه طباع الصبيعات




و دخلتو للفرن المسخن من قبل
على درجة حرارة 180 °
بين 10 او 15 دقيقة حسب السخونية ديال كل فران
خليتها حتى بردات و ستفتها فعلبة حافظة





















التقديم :






قدموها بالصحة و الراحة



اما بشكلها العادي او الى بغيتو تزينوها حسب الذوق






كتجي هشيشة و و لذيذة بنكهة قشر الليمون و تڭرميلة الزنجلان
















ملاحظة :




هاد المقادير كتعطيكم اكثر من نصف كيلو ممكن تضاعفوها لو بغيتو كمية اكبر
ممكن تحتافظو بيها مدة طويلة
فعلبة حافظة محكومة الاغلاق لو عملتوه بكمية كبيرة

و ايضا ممكن بدل قشر الليمون تستعملو قشر الحامض
حتى هو كيجي غزال
و بدل الزنجلان ممكن تستعملو اي حاجة
كاوكاو او لوز او كاجو او بيستاش او بندق او ڭرڭاع ...مهرمشين رقيق
او حتى الشكلاط او النافع او حبة حلاوة ...
يعني العجينة كتبقى واحدة و التنويع فالمنكهات
حسب الذوق و المتوفر في كل مطبخ












اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد


اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته


سلطة وردة الخضار بالكريمة





السلام عليكم ورحمة الله وبركاته











اليوم غنقدم ليكم سلطة بسيطة و مغذية
و هي سلطة وردة الخضار




مرفقة بالكريمة





نخليكم مع المقادير والطريقة








المقادير :

شفلور
خيزو
بطاطة
خس
خيار
زيتون اسود
مطيشة


كريمة او مايونيز او اي صلصة كتفضلو للمرافقة و التغماس
الكميات حسب عدد الاشخاص












الطريقة :

طبعا اولا كنغسلو الخضار ديالنا مزيان بالماء و الخل و نقطروها
كنقيو خيزو و نقطعوه لدوائر عريضة و نبخروه
و كنقيو الشوفلور من الافضل تخليوه بشكلو الطبيعي بلى متقطعوه و يتبخر
و كذلك البطاطة تتنقى وتتقطع على 8 و تتبخر
و الباقي الخص و الخيار و المطيشة نقطعوهم ايضا


كنبداو فتزيين الطبق ديالنا





اولا حطيت الشوفلور فالوسط




تم زينت الجنبات ديالو بخيزو كيف مبين فالصورة





تم البطاطة على شكل بتلات





و بعدها الخص




و بعدها شرائح الخيار و المطيشة و حبات الزيتون الاسود بالتوالي على البطاطة





و هاهي جاهزة للتقديم











التقديم:









رفقت السلطة بكريمة البطاطة





للي سبق و وضعت طريقتها هنا



صوص كريمة البطاطة





و طبعا ممكن ترفقوها باشما بغيتو حسب الذوق ڤينيكريت مايونيز كريمة ...




ان شاء الله تكون اضافة جديدة و مفيدة لوصفاتكم
















ملاحظة:

بحال هاد النوع من السلطات الناشفة
كنحظرها فالضيافة على تيساع
كنزين الطبق و نغلفو بالفيل أليمونتير
و ندخلها للثلاجة لحين التقديم
اما كنسقيها بالزيت (ريت الزيتون او ارڭان..)
او بالڤينيكريت او بكريمة او مايونيز او فقط نرفقو معاها على جنب
و نخلي الاختيار للضيف يغمس فاي صلصة كيفضل حسب الذوق










اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد






اللهم ادمها نعمة و بارك لنا فيها و اكتب لي بها حسنة طيبة و احفظها من الزوال





الله يرزقنا و إياكم خيرات الدارين و لا يحرمنا من طيبات الجنة و نعيمها





دمتم في رعاية الكريم





أمنــار





أم ريـَّــان


وعليكم السلام ورحمة الله وبركاته


وصفات مشابهة

 
Paperblog