السلام عليكم ورحمة الله وبركاته
ان شاء الله تعجبكم هاد الوصفة
طبعا اغلبكم كتعرفو تصايبو المايونيز
لكن مافيها باس نوريكم طريقتي
نخليكم مع المقادير و الطريقة
المقادير:
بيضه كبيرة
كاس زيت (كاس العنبة ميكونش عامر بزاف)
ملعقه كبيرة موتارد
(افضل شي پيكاروم موتارد دو ديجون لا علاقة مع موتارد ماكدو هههه)
لو كان عندكم الخردل (موتارد) حبوب ضيفو رشة منو كيعطي طعم مميز
ربع كاس خل (كاس العنبة)
ملح (حسب الذوق)
رشة ابزار
2 ضروس كبيرة ثوم
الطريقة:
اولا نقيو الثوم
و نقطعوه
نطحنوه او ندقوه
ثم في الخلاط كنعملو الخل
مع البيضة كاملة
و الموتارد
و الثوم و الملح و الابزارلو كان عندكم الخردل (موتارد) حبوب ضيفو رشة منو كيعطي طعم مميز
و كنطربو الكل حتى كيولي الخليط مايل للبياض
و على شكل موس
ثم كنبداو نضيفو ليه الزيت و حنا كنخلطوه بنفس السرعة ،
كنكبو الزيت على شكل خيط رقيق كيف مبين فالصورة
ماشي بالضرورة استعمال كل كمية الزيت غير يبان ليكم المايونيز عقد و اصبح كريمة ثقيلة و كثيفة حبسو الزيت و التخلاط
كنكبوه فقرعة معقمة و كتغلق مزيان
و هاهو المايونيز جاهز للاستعمال او الحفظ فالثلاجة لحين احتياجو
التقديم:
اما كنقدمو بطبق جانبي مرفق للسلطات و المشاوي و المقبلات
للتغميس او الدهن
او كنخكط بيه السلطات و المشاوي مباشرة
و بالصحة و الراحة
ان شاء الله تعجبكم الوصفة و تجربوها
و بإذن الله نحط ليكم طرق اخرى لعمل صوصات و كريمات للسلطات و المقبلات تنوعو بيها اطباقكم
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتم في رعاية الكريم
أمنــار
أم ريـَّــان
وعليكم السلام ورحمة الله وبركاته
المشاركات
