عصير الكرموص الخضر بالخوخ

السلام عليكم ورحمة الله وبركاته


رمضان مبارك كريم
و عواشركم مباركة مسعودة
توحشتكم بزاف بزاف
ان شاء الله كلكم بخير
الله يكتب لينا فهاد الايام المباركة نيل رحمته و غفرانه



وواخا جات التهنئة بشهر الخير و الطاعات معطلة
اعاده الله علينا و عليكم بالخيرات و اليمن والبركات
وكــل عــام وأنتــم بخيــر



بعد ساعات ان شاء الله الافطار
و اول وصفة لي فهاذ الشهر الفضيل لهدة السنة
غتكون عصير جد مغذي و منعش و سهل التحضير بفواكه الموسم
الكرموص الخضر و الخوخ




نخليكم مع المقادير و الطريقة

المقادير :

دائما الكميات حسب عدد الاشخاص

خوخ




كرموص اخضر




ماء للطحن او عصير الليمون (حسب الذوق)
سكر (اختياري حسب الذوق)

شخصيا لكل كاس عصير من الحجم الكبير كنعمل :
نصف خوخة كبيرة لو كانت صغيرة ديريها كاملة
+ 2 كرموصات
و كنضيف الماء او عصير الليمون حسب الكثافة للي بغيت

الطريقة :

اولا كنغسلو الفواكه فالماء و الخل و كنضفوها مزيان

شخصيا مكنقشرش الفاكهة لان القشر كيعطيني طعم و قوام مميز اضافة الى اللون و الفائدة اغلب الفيتامينات كتكون مركزة فالقشرة فمن غير الصحي نلوحها

كنقطع الخوخ و نحيد ليه العلف

و كنقطع كذلك الكرموص

ثم فالخلاط كندير الماء غير القياس للي يسهل طحن الفواكه جيدا
والخوخ و الكرموص






وكنطحن الكل مزيان حتى كيتجانسو

ثم كنضيف الماء الباقي او عصير الليمون
و السكر حسب الذوق و كنطحن الكل مرة اخرى

حتى الحصول على عصير بقوام كثيف يعني قياس الماء حسب عدد الكؤوس للي بغيتو تقدمو
اي حسب عدد الاشخاص كل كاس كبير بنصف كاس متوسط او بكاس صغير
العبار كيبقى حسب احجام الكؤوس كاين ديال 15 او 25 او 50 او 75 سنتيليتر او اكثر

انا هنا استخدمت كؤوس من الحجم الكبير 50 سنتيليتر

زينت الكؤوس بكرموصة صغيرة تكيتها فجنب الكاس



و بالشكلاطة على شكل فراشة

التقديم :

كيف العادة كنقدم العصير مباشرة بعد الطحن

باش تكون الاستفادة من فوائد الفاكهة اكبر

و ممكن تعوضو الفواكه للي استعملت بالمتوفر عندكم

و بالصحة و الراحة

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته