السلام عليكم ورحمة الله وبركاته
عصير اليوم
لاڤوكا بالليمون
نخليكم مع المقادير و الطريقة البسيطة
المقادير :
دائما الكميات حسب عدد الاشخاص
لاڤوكا
الليمون
ماء انا استعملت لتر الا ربع ماء
ملعقة من بودرة عصير الليمون سريع التحضير
حليت بيها بدل السكر
الكميات حسب عدد الاشخاص
مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري
الطريقة :
كنغسل الليمون و الاڤوكا
كنقي الليمون من القشر و العلف
و نقطعو مكعبات
و كنقي الاڤوكا بالطريقة المعتادة
اي نقطعها على 2 ونحيد ليها العلفة
و نخرج الللب ديالها بالملعقة
ثم فالخلاط كنديرو مكعبات الليمون مع الاڤوكا
و قليل من الماء
غير القياس فاش عنطحنو الفواكه مزيان
و كنطحنو الكل مزيان
بعد ميتطحنو الفواكه مزيـــــــــــــــــــــــــان
كنضيفو قياس الماء الباقي مع ملعقة من بودرة عصير الليمون سريع التحضير
و نخلط الكل مزيان حتى كيتجانسو
باش يعطينا عصير ثقيل و قوامو عاقد
مكنضيفش السكر لان البودرة ديال الليمون كافية للتحلية
و ايضا اعطاء لون جميل للعصير
انتم اضيفو السكر حسب الذوق
و نقدموه مباشرة بالصحة و الراحة
التقديم:
قدمتو مباشرة بعد الطحن
عصير ساهل سريع و مغذي و منعش فنفس الوقت
و ممكن تعوضو الفواكه للي استعملت بالمتوفر عندكم
و بالصحة و الراحة
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتم في رعاية الكريم
أمنــار
أم ريـَّــان
وعليكم السلام ورحمة الله وبركاته
المشاركات
