بحث هذه المدونة الإلكترونية

الخميس، 20 يناير، 2011

كيك الشوكولا و فلان النوڭاتين




السلام عليكم و رحمة الله





وصفتي لليوم سهله و سريعة
و ايضا اقتصادية و تصلاح تتقدم كتحلية فايام عادية او ضيافة
خصوصا لو جاوك ضياف على غفلة او الثلاجة خاوية ههه



كيف العادة كثرة عليكم الكلام
المهم حلى اليوم ممكن تعملوه بعدة طرق حسب المتوفر عندكم
المهم هي الفكرة



انا عملتو ببقايا كيك شوكولا اسود و بفلان منسم بالنوڭاتين (كتعجبني نكهتها )


بلا منزيد نطول
نخليكم مع المقادير و الطريقة



المقادير:




بقايا كيك او بسكوي المتوفر عنكم
3 ساشي فلان بودره سريع التحضير بدون نكهة
سكر حسب الذوق
1 ليتر حليب (من المفضل الحليب الكامل)
نصف ملعقة صغيرة نكهة النوڭاتين سائلة

سيرو السقي للتزيين:
ربع ملعقة صغيرة نكهة نوڭاتين سائلة
2 معالق كبيرة ڭليكوز
5 معالق كبيرة ماء
5 معالق كبيرة عصير الليمون
2معالق كبيرة سكر






الطريقة:

اولا نجهزو الفلان بالطريقة المعتادة



خلطت كاس صغير حليب مع بودرة الفلان و السكر و نكهة النوڭاتين السائله (راه مبينة فالصورة)




فالخلاص الكهربائي باش يتخلطو مزيان و متتكونش تكتلات من بودرة الفلان





عاد ضفت باقي الحليب




و خلطت الكل مرة ثانية



و عملت الخليط فكاسرونة و درتو يفيض

و فهاد الاثناء جهزت الطبقة الاولى فالمول



انا كان عندي بقايا كيك شوكولا هو للي عملت فاسفل المول

و لما فاض الفلان ضفتو للكيك كيف مبين فالصورة




و دخلتو للثلاجة يجمد لحين التقديم


لما جمد الفلان و قرب وقت التقديم

جهزت سيرو للسقي كزينة

عملت ربع ملعقة صغيرة نكهة نوڭاتين سائلة مع 2 معالق كبيرة ڭليكوز مع 5 معالق كبيرة ماء مع 5 معالق كبيرة عصير الليمون مع 2معالق كبيرة سكر



و عملت الكل فكاسرولة فوق نار مهيلة حتى حصلت على سيرو عاقد







خرجت الكيك من الثلاجة و قلبتو فطبق التقديم



و سقيتو بالسيرو




كيف مبين فالصورة


التقديم :




و قدمتو بالصحة و الراحة






ملاحظة:


ممكن لو كنتو مزروبين لتسريع العملية تدخلو القالب بعد ميجهز للمجمد /الكوجيلاتور بدل التلاجة
باش يجمد الفلان فوقت اسرع

و طبعا طرق التقديم و التزيين على ذوقكم
انا مكانش عندي باش نزين فعملت السيرو لكن طبعا لو عندكم مقادير للتزيين تفننو كيف بغيتو
ممكن ايضا تعملو طبقة او طبقات من الفلان و الكيك او حتى الفواكه كتعطي منظر و مذاق افضل
او تقدموه فطبق جماعي او كحلى فردي


ان شاء الله ينال اعجابكم


اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

د
متم في رعاية الكريم

أمنــار

أم ريـَّــان


وعليكم السلام ورحمة الله وبركاته


وصفات مشابهة

 
Paperblog