بحث هذه المدونة الإلكترونية

الجمعة، 21 أغسطس، 2009

الفريت بزيت ارڭان فالاكتيفراي




السلام عليكم و رحمة الله

اليوم غنقدم ليكم الفريت بزيت ارڭان مممم

طبعا الاكتيفراي كتزعم
على تجربت نكهات جديدة


حتى حد مغيقلي كيلو ديال بطاطة
فزيت ارڭان
لاننا كنعرفو ان 1ليتر ديال الزيت اركان الحقيقي الحر
ممكن يوصل ل 300 درهم واكثر
فشكون غيقلي ب 300 درهم كل مرة?!!

لكن مع الاكتيفراي وليت نجرب الفريت
و غيرها(لحم، دجاج، حوت، خضر...)
بنكهات و زيوت متعددة
( زيت الذرة او الزيتون او اللوز او العنب او ارڭان ...)
لانه ملعقة وحدة تكفي و توفي

نخليكم مع المقادير :



المقادير :




كيلو بطاطة
ملعقة صغيرة ملح
ملعقة كبيرة زيت ارڭان

















الطريقة :



كناخذو البطاطة مغسولة و منقية و مقطعة فريت



و نشفوها و نديروها فالطيفال



و نضيفو ملعقة زيت ارڭان بملعقة القياس















و نديروها طيب








بين 15 و 20 دقيقة حسب نوع البطاطة (صفراء حمراء ...)























و بعد متجهز البطاطة ديالنا نقدموها بالصحة والراحة



سمحو لي مصورتهاش فطبق التقديم لان الطبق طــــار ههههه







نصيحة مهمة:

غتكونو لاحظتو ان الزيت ارڭان للي عاملة فالقرعة جامد نوعا ما،
هذا لاني كحفظو فالثلاجة ،
كل الزيوت خصوصا المستخرجة من النواة
( زيت ارڭان ، اللوز، العنب...)
وجب حفظها فالثلاجة باش تحافظ على مكوناتها
و فيتاميناتها اطول مدة ممكنة ،
ممنوع تخليوها فمكان كتوصلو الشمس
او الحرارة لانها كتفقد منافعها ،

ايضا باقي الزيوت بحال زيت العود...
وجب حفظها فقراعي غير شفافة
و وضعها فمكان مكتوصلوش اشعة الشمس
او الضوء لانها كتتاكسد و كتفقد المذاق
و ايضا الفيتامينات مع طول المدة و بقاءها فالضوء.






الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته

ليست هناك تعليقات:

إرسال تعليق

وصفات مشابهة

 
Paperblog