بحث هذه المدونة الإلكترونية

الأحد، 19 أبريل، 2009

سموثي الليمون و الفريز مع قشور الليمون المعسلة




السلام عليكم ورحمة الله وبركاته













عصير اليوم:

سموثي الليمون و الفريز مع قشور الليمون المعسلة












ان شاء الله يكون اضافة جديدة و مفيدة




نخليكم مع المقادير و الطريقة البسيطة










المقادير :










الليمون



الفريز



قشور الليمون المعسلة



سكر او عسل للتحلية حسب الذوق
( شخصيا كنفضلو طبيعي دون اضافة محليات)
ماء



للتزيين :

طرونشات فريز
و رقائق قشور الليمون المعسلة

دائما الكميات حسب عدد الاشخاص



شخصيا لكل كاس عصير من الحجم الكبير كنعمل :


ليمونة من الحجم الكبير + 200 غرام فريز

سكر او عسل للتحلية حسب الذوق



و كنطحن كل كاس كبير بنصف كاس عنبة ماء
باش كيجي القوام ثقيـــــل و عاقد او ما يسمى سمـوثي


وممكن تعوضو الماء بعصير الليمون حسب الرغبة









الطريقة :






اولا كنغسلوالفواكه فالماء و الخل و كنضفوها مزيان

كنقشر الليمون
و
كنقطعو مكعبات



و كذلك الفريز كنقطعو ترونشات






كيف قلت

لكل كاس عصير من الحجم الكبير كنعمل :
ليمونة من الحجم الكبير + 200 غرام فريز
سكر او عسل للتحلية حسب الذوق





و كنطحن كل كاس كبير بنصف كاس عنبة ماء
فالخلاط حتى تتجانس و تعطينا خليط ثقيل و كثيف




ثم كنضيف ليها شوية رقائق قشور الليمون معسل
ة مقطعة مكعبات
و نطحنها غير شوية باش تبقى باينة فالسموثي متدونش مع الفاكهة





نكبو السموثي ديالنا فكؤوس التقديم و نزينوه






انا زينتو بترونشات الفريز






حاولت نعملها على شكل فرفارة او زهرة فوق السموثي



و رقائق او صبيعات قشور الليمون المعسل




كيف مبين فالصور




و هاهو جاهز للتقديم













التقديم :







كنقدم السموثي مباشرة بعد الطحن











ممكن يشرب او يؤكل بملعقة حسب الرغبة





لما كيكون الحال سخون ممكن نطحنوه بالماء المثلج اما فالبرد فبالماء عادي

و دائما غير يتطحن يتقدم باش تكون الاستفادة من فوائد الفاكهة اكبر




ملاحظة :


ممكن تعملو السموثي باي فاكهة متوفرة عندكم
و هو مفيد جدا للصغار و الكبار لان تركيز الفاكهة كيكون كبير



و ان شاء الله تكون فكرة التقديم نافعة
و التزيين كيبقى حسب الرغبة









اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد



اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


الله يرزقنا و إياكم خيرات الدارين و لا يحرمنا من طيبات الجنة و نعيمها


دمتم في رعاية الكريم


أمنــار


أم ريـَّــان

وعليكم السلام ورحمة الله وبركاته

السبت، 18 أبريل، 2009

اللحم مشرمل بالفول




السلام عليكم ورحمة الله وبركاته









هذا طبق اخر كنوج
دو بالفول
و كيجي شهوة منو





هذا رابط الطبق السابق للي مشافتوش


الفول بالكروفيت بالمراحل المصورة من كوزينتي كما العادة



ان شاء الله يكون افادة جديدة ليكم
و يساعدكم فتنويع تقديمكم للفول


نخليكم مع المقادير والطريقة











المقادير:





قطع لحم فيلي مقطعة الى شرائح رقيقة و صغيرة
قزبر ومعدنوس
بصلة بيضاء
راس ملعقة صغيرة صوص الصوجا
راس ملعقة صغيرة سكر
راس ملعقة صغيرة ابزار
راس ملعقة صغيرة سكنجبير
راس ملعقة صغيرة تحميرة
ملعقة صغيرة كامون
ملعقة صغيرة قزبر حبوب
ورقة غار
زيت













الطريقة:





اولا بعد منقينا الفول





كنرقدوه فالماء واحد ربع ساعة و نغسلوه مزيان





و كنديرو الماء يغلى مزيان حتى يدير السبولة




وكنلوحو فيه الفول يتسلق





مدة 10 دقائق لا اكثر





و كنصفيو الفول من الماء السخون





و كنكبوه فإناء فيه ماء بــــارد مــثــــــــلــــــــــــــج
باش نوقفو عملية الطياب و باش يبقى الفول محافظ على لونو الاخضر
كيف غتشوفو فالصور

بعدها كنبداو نزولو للفولة القشرة الرقيقة للي مغطياها



بالطريقة المبينة فالصور




اي اننا كنحيدو اعلى القشرة الرقيقة للفولة




و كنخرجوها من الغلاف ديالها بالضغط عليها من الاسفل




و ها هو الفول ديالنا واجد




و كنبداو فتحضير الطبق النهائي



فمقلاة كنعمل الزيت مع البصلة مشلضة رقيقة
و العطرية : الملح + راس ملعقة صوص الصوجا + راس ملعقة صغيرة سكر+ راس ملعقة صغيرة سكنجبير




و كنخلي الكل يتشحر بعد متتشحر البصلة كنضيف عليها كاس كبير ماء و كنخليها حتى كتتعسل و كتكتاسب لون ذهبي محمر و كتتشرب التوابل



كنحيدها من المقلات و نحطها على جنب

و كندير بلاصتها اللحم مع الملح + راس ملعقة صغيرة ابزار
+راس ملعقة صغيرة تحميرة + ملعقة صغيرة كامون
+ملعقة صغيرة قزبر حبوب + ورقة غار + الزيت



كنشحرها و نضيف عليها كاس كبير ماء
و نخليها حتى تتشرب الماء و التوابل
و تتشبع بالنكهات و توقف فالمرق




كنحيدها على جنب





و كندير بلاصتها الفول




وكنضيف القزبر و المعدنوس مشلضين




كنحركو شوية و نضيف عليه البصلة للي عسلت فالاول
ثم اللحم و كنحرك كل المكونات



و نخليه يتشرب البنة فوق عافية مهيلة واحد 2 دقائق

و نطفي عليه
و هاهو واجد















التقديم :




قدمتو كوجبة رئيسية



مرفق بسلطة خفيفة و خبز



شخصيا عجبني هاد الطبق اكثر من الاول
ان شاء الله تجربوه





و بالصحة و الراحة







انا شاء الله تعجبكم الوصفة و تكون اضافة جديدة و مفيدة ليكم


و كيف واعدتكم غنحط ليكم باقي اطباقي و وصفاتي المحضرة بالفول




اللهم لك الحمد و الشكر كما ينبغي لجلالك على نعم
ك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

د
متم في رعاية الكريم

أمنــار

أم ريـَّــان

وعليكم السلام ورحمة الله وبركاته

الأربعاء، 15 أبريل، 2009

خرشف معمر بالكفتة و محمر



السلام عليكم ورحمة الله وبركاته









للي عزيز عليه الخرشف و للي معزيزش عليه
كنصحكم تجربو هاد الطبق

مدام حنا باقين ففصل الربيع و الخرشف من الورقيات الربيعية
فكيكون واجد باثمنة مناسبة و لكن كنحيرو فطرق تقديمو

و طبعا كيف واعدتكم باعطائكم افكار و طرق اخرى لتقديمو
هاني غنويركم وحدة من طرقي المفضلة
و هي الخرشف معمر بالكفتة و محمر



كيجي بنـــين كيذوب فالفم و متشبعوش منو
طبعا الى كنتو من عشاق الخرشف و الكفتة و الشوى هههههه

نخليكم مع المقادير و الطريقة
و عذروني على قلة التواجد لاني كنت مريضة شوية
و باقي مدعدعة خخخخخ










المقادير:









(حسب عدد الاشخاص )

ساق خرشف طري منقي و مقطع و مبخر او مسلوق
(من الافضل تختارووها صغيرة و طرية باش متكونش كلها لياف و خيوط)
كفتة
توابل للكفتة: ربيع مشلض، ملعقة كامون، راس ملعقة تحميرة، راس ملعقة ابزار، ملح
زيت او زبدة للدهن














الطريقة :



ســــاهلـــة

بعد مكنقيو الخرشف بالطريقة المعروفة
اي اننا نحيدو ليه ديك الجلدة الشفافة للي كتكون مغطياه
و كنحيدو من الخيوط و كنقطعوه لصبيعات طوال
ممكن تتعمر او تتحشى (طولها بين 6 و 8 سنتيمتر)


و كنرقدوه فالماء معصور فيه حامضة
و من الافضل نخليوه فذاك الماء مدة فالثلاجة مثلا ساعة
حتى يتحيد منو التراب و الرواسب
و فنفس الوقت الحامض كيقتل الطفيليات
و كيحافظ على لون الخرشف باش ميتاكسد و يولي لونو بني بدل الاخضر

ثم كنصفيوه و نعاودو نشللوه بالماء
و نديروه يتسلق مع شوية ملح او يتبخر
انا هنا بخرتو باش يحافظ على مذاقو و طراوتو



بعدها كنتبلو الكفتة
بالربيع مشلض، ملعقة كامون، راس ملعقة تحميرة، راس ملعقة ابزار، ملح
ممكن ديرو التوابل للي كتفضلو
انا درتها توابل عادية باش متغلبش على طعم الخرشف




و كنحربلو الكفتة على شكل صبيعات





و كنعمرو بيها صبيعات الخرشف للي وجدنا




ممكن ديرو الكفتة بين 2 صباع خرشف يعني تسدو عليها



و تولي 3 طبقات طبقة خرشوف طبقة كفتة ثم طبقة خرشوف
انا خليتها طبقة وحدة



و بديت كنستف الصبيعات المعمرين فمول كيدخل للفرن



بعدها دهنتها بشوية زبدة





و دخلتها تتحمر فالفران














التقديم :




قدمتو سخون






و طار هههههه






راجلي عجبو بزاف مع انو معندوش بزاف مع الخرشوف
و حتى ريان للي مكياكلش الخرشف كلا منو








ملاحظة:

و طبعا ممكن تنقيو الخرشف و تنظفوه بالطريقة للي ذكرت الماء و عصير الحامض

و لو كنتو عتحفظوه فالثلاجة قبل الطبخ قطروه من خليط الماء و الحامض
و ديروه فميكات بلا متشللوه باش يبقى محافظ على لونو فالثلاجة لحين وقت الطبخ



و ان شاء الله نحط ليكم طرق اخرى لطبخ و تقديم الخرشف

طرق كثيرة كيجي بيها لذيذ
و تنوعو منو محد موسم الخرشوف باقي







ان شاء الله تعجبكم طريقتي و تفيدكم











اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد



اللهم ادمها نعمة و بارك لنا فيها و اكتب لي بها حسنة طيبة و احفظها من الزوال



الله يرزقنا و إياكم خيرات الدارين و لا يحرمنا من طيبات الجنة و نعيمها



دمتم في رعاية الكريم



أمنــار



أم ريـَّــان



وعليكم السلام ورحمة الله وبركاته










وصفات مشابهة

 
Paperblog