بحث هذه المدونة الإلكترونية

السبت، 16 أغسطس، 2008

عصير المشماش و الليمون






السلام عليكم ورحمة الله وبركاته










هذا عصير بسيط بفواكه الموسم




المشماش و الليمون





منعش باش تبردو مع هاد الصهد











المقادير:


http://a4.sphotos.ak.fbcdn.net/hphotos-ak-ash4/377562_273838172660620_100001033182924_825623_770285275_n.jpg

مشماش

http://a1.sphotos.ak.fbcdn.net/hphotos-ak-snc7/310632_273838352660602_100001033182924_825624_2083961573_n.jpg

ليمون
ماء
مكعبات ثلج
سكر حسب الذوق

الكميات حسب عدد الاشخاص
نفس قياس الليمون نفس قياس المشماش نفس قياس الماء
مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري









الطريقة:

اولا كنغسلو الفوكه ديالنا و نقيوها مزيان



بعدها كناخذو المشماش و كنعملوه مع نصف كمية الماء و كنضيفو عليه السكر حسب الذوق و كنديروه فكاسرونة و نديروه يسخن شوية 4 او 5 دقائق،



باش يعطينا السيرو ديالو و كيجي رطب و الذ فالعصير
كنخليوه يبرد

ثم فالخلاط كنديرو مكعبات الثلج مع الليمون و المشماش
بهاذ الترتيب من القاصح للين










ثم كنطحنوه

حتى كيتجانسو و كنضيفو قياس الماء الكافي باش يعطينا عصير ثقيل و قوامو عاقد




و نقدموه مباشرة بالصحة و الراحة









التقديم:




قدمتو مزين بترونشات مشماش،



هو عصير ساهل سريع
و مغذي و منعش فنفس الوقت





و بالصحة و الراحة







اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

اختكم أمنــار

أم ريـَّــان

وعليكم السلام ورحمة الله وبركاته



الأربعاء، 6 أغسطس، 2008

فلان بالبندق او نوازيت



السلام عليكم ورحمة الله وبركاته








ان شاء الله تكونو كلكم بالف خير

كيف واعدتكم هادي وصفة اخرى و طريقة اخرى
بسيطة و ساهلة لتقديم الفلان بشكل مميز

الجميل فالفلان هو انه ممكن يتقدم كديسير فالايام العادية او فالمناسبات و الضيافة
ان كان فالصيف بارد او ففصل الشتاء يتقدم بدرجة حرارة المطبخ
و ديسير جد اقتصادي و ناجح 100%


ان شاء الله تكون اضافة جديدة
و انا عند وعدي باقي وصفات اخرى للفلان سهلة و لذيذة


وصفتي اليوم:




فلان بالبندق او نوازيت








ان شاء الله ينال اعجابكن

نخليكم مع المقادير و الطريقة










المقادير :


دائما الكميات حسب عدد الاشخاص




بودرة فلان سريع التحضير بدون سكر او نكهات
سكر
حليب
نصف ملعقة صغيرة بودرة الڤانيلا للتنسيم



حبات بندق /نوازيت مقطعة رقائق



الكميات حسب عدد الاشخاص
معروف ان علبة الفلون العادية كتتخلط مع نصف ليتر حليب
و كتعطي 4 الى 6 فلانات حسب حجم الاناء فاش غيتقدم
يعني ضاعفو الكميات حسب الحاجة











الطريقة :



اولا كنقطع حبات النوازيت الى رقائق و نخليها على جنب


و كنحضر الفلان
كنخلط بودرة الفلان مع الحليب و السكر و بودرة الڤانيلا
فالخلاص الكهربائي باش يسهل عليا خلطها بنجاح





و كنعمل الخليط فكاسرونة و نديرو يفيض




و فهاد الاثناء كنجهز الكؤوس (انا قدمتو فكؤوس فيرين بدلالزلايف للتغيير)



و لما كيفيض الفلان كنكبو فالكؤوس بشوية باش ميترونش لي الكاس




كنخليه حتى كيدير القشرة الفوقانية كيف مين فالصورة



و كندردر عليه رقائق النوازيت



بعضها كينزل لتحت و بعضها كيبقى فوق القشرة



و هذا سبب ترك الفلان حتى يدير القشرة

كندخل الفلان للثلاجة يجمد لحين التقديم




















التقديم :








قدمتو بعد مجمد تماما







و الصور كيتبين انه ثابت مع ان الكاس مقلوب








و ممكن تعوضو الفواكه الجافة او المكسرات بالمتوفر عندكم



و بالصحة و الراحة

















اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

اختكم أمنــار

أم ريـَّــان

وعليكم السلام ورحمة الله وبركاته

وصفات مشابهة

 
Paperblog