بحث هذه المدونة الإلكترونية

الاثنين، 31 ديسمبر 2007

معقودة بطريقتي








السلام عليكم

اغلبنا عزيزة علينا المعقودة



صغار او كبار



و هادي وحدة من الطرق باش كنديرها
كتجي رائعة متشبعوش منها
: (شكون شكار العروسة )













المقادير :



بطاطة مقشرة مبخرة او مسلوقة
ضرس صغير ثوم
ربيع مشلض غليض


فرماج احمر محكوك


موزريلا محكوكة


ملعقة صغيرة كامون
راس ملعقة صغيرة ابزار
ملح
ملعقة صغيرة زبدة
بيضة
رشة ملون بنكهة الزعفران











الطريقة:




بعد متبخر البطاطة كنقيوها و نحكوها فالحكاكة
و كنحكو ايضا الفرماج الاحمر و الموزريلا
و نديرو الكل فإناء



و كنضيفو ضرس صغير من الثوم المدقوق
و الملح و الكامون و الابزار و الزعفران الملون و الزبدة و الربيع




و نخلطو كل المكونات حتى تتمازج باطراف الاصابع بلا منعجنوها
غير نخلطوها مزيان




و نبداو نديرو كويرات متساوية الحجم و نڭرصوها فكف اليد المبلل بالماء


و نستفوها فالمقلات الاكتيفراي


مضفتش ملعقة الزيت
لان المعقودة فيها الزبدة و الفرماج و البيض غيتحمرو بوحدهم بدون زيت
(طبعا للي غديرها فمقلات عادية متكثرش الزيت باش ميضيعش طعم الفرماج
و ممكن تعمل فمول و تدخل للفرن تتحمر حتى هكا كتجي لذيذة )




و نخليوها تتحمر




و تكتاسب اللون الذهبي الشهي










التقديم :


و هاهي واجدة بالصحة و الراحة



كتجي مقرمشة من برا و فالداخل كيجي الفرماج و الموزريلا ديبين



لذيــذة



ان شاء الله تجربوها و تنال اعجابكم










اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

اختكم أمنــار

أم ريـَّــان

وعليكم السلام ورحمة الله وبركاته


هناك تعليق واحد:

  1. salam alayki okhti lah yssehlaalik masaab ana mrida bcolesterol ou bant li andek had lm9la tatyb bla zit awla bchwiyyyyyyyyya zit mokmkin diri lina chi tsawer maa smiya dial lapraeil lah yjazik balf khayr ou shel alik ou khli lik rayane ou zawjok assalih (safa om louay)

    ردحذف

وصفات مشابهة

 
Paperblog