السلام عليكم

السلام عليكم

ان شاء الله تكونو كلكم بالف خير

غنغيب عليكم هاد الايام
توحشتكم من دابا
و نتمنى نرجع فاقرب وقت ان شاء الله
بالي عندكم و نتمنى متحرموني من صالح الدعوات

amanarre / كل ودي أمنار

موس الشكلاطة بالموكا و قشور الليمون المعسلة

السلام عليكم ورحمة الله وبركاته






ان شاء الله تكونو كلكم بالف خير
بلا منكثر عليكم الكلام
سبق و نزلت ليكم طريقتي فتحضير موس الشكلاطة

موس الشكلاطة باللوز المحمر المهرمش

و


موس الشكلاطة طبقات بالفريز



و ليوم غنقدم ليكم موس بنكهة مميزة جدا




موس الشكلاطة بالموكا و قشور الليمون المعسلة




و لا داعي نقول انها كتجي لذيذة و مميزة بطعم قشور الليمون كونفي





ان شاء الله تنال اعجابكم














المقادير:

250 غرام شكلاطة سوداء بتركيز 75 % كاكاو او اكثر حسب المتوفر عندكم
20 غرام بودرة الكاكاو المر
5 بيضات (كبار)
ملعقة كبيرة من نكهة الموكا
30 غرام زبدة مالحة (ممكن تستعملو لابريري (لابريري ماشي زبدة العبار لان ديال العبار كتطلق الماء لذلك استعملنا الزبدة ديال العلبة مكتطلقش الماء)
قشور اليمون المعسلة (كونفي) الكمية حسب ذوقكم

الطريقة :

اولا ندوبو الزبدة اما فحمام مريم او فالفرن دافي او الميكرواوند حسب الرغبة




انا ذوبتها فحمام مريم ( اي كسرولة فيها الماء غليان نوضعو عليها كسرونة اصغر و نوضعو الكل فوق عافية مهييلة)



بعد مندوبو الزبدة ندوبو معها ايضا الشكلاطة السوداء
سبب خلط الزبدة المالحة مع الشكلاطة السوداء باش نتفاداو ان الشكلاطة تقصاح بسرعة لما نخلطو معها باقي المكونات الزبدة كتخلي الشكلاطة لينة و كتضيف ليها لمعان ايضا)





فالوقت فاش كذوب الشكلاطة



كناخذو البيض و نفرقو صفار البيض عن البياض





كنطربو بياض البيض و نطلعوه حتى يشكل لينا موس قابطة فراسها





ثم كنضيفو للشكلاطة الذائبة بودرة الكاكاو المر و نخلطو الكل




ثم نضيفو ليهم صفار البيض
و نكهة الموكا
و 2 معالق كبيرة قشور الليمون المعسله مطحونة او محكوكة رقيقة
و نطربو الكل




حتى يشكلو لينا موس شكلاطة كثيفة و ثقيلة





بعدنا نضيفو لهاد الخليط بياض البيض للي طلعنا من قبل




نضيفوه برفق بلا منطربو لكن نحاولو نخلطوه بملعقة او سپاتيل





بحركات خفيفة باش منهرسوش الموس ديالنا و نخسروها و هاهي جهزات










بالنسبة لطريقة تقديم موس ممكن تعملوها بالشكل للي بغيتو
اما فطبق واحد او فاطباق فردية
و ممكن اما تخلطو موس الشكلاطة مع قشور الليمون المعسله
او تخليوهم منفصلين باش تشكلو طبقات




انا عملتها فكؤوس (ڤيرينات) باش يكون تقديمها اسهل




و لإعطاء شكل للموس عملتها فقمع الپوشوار




و عمرت بيها الڤيرينات



عملت طبقه من الموس و طبقه من قشور الليمون المعسلة مقطعة مكعبات




و غطيت طبقة قشور الليمون المعسلة مقطعة مكعبات بطبقة اخرى من موس الشكلاطة







و زينتها بالپوشوار بالشكل المبين فالصورة








و بعدها زينت بقشور الليمون المعسله على شكل رقائق







كيف مبين فالصور








و دخلتها للثلاجة

مدة لا تقل عن 5 ساعات باش تشد راسها مزيان

التقديم:







بعد مقبطات الموس




قدمتها



بالصحة و الراحة


نتمنى تجربوها و تردو عليا خبر

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته

المايونيز بالمعدنوس

السلام عليكم ورحمة الله وبركاته

ان شاء الله تعجبكم هاد الوصفة
كنبغيو نوعو فنكهات صلصة المايونيز
لذلك غنقتارح عليكم مجموعة منها
و اليوم اخترت ليكم المايونيز بالمعدنوس
شخصيا كيعجبني طعمو بزاف











نخليكم مع المقادير و الطريقة

المقادير:







بيضه كبيرة
كاس زيت (كاس العنبة ميكونش عامر بزاف)
ملعقه كبيرة موتارد
(افضل شي پيكاروم موتارد دو ديجون لا علاقة مع موتارد ماكدو هههه)
لو كان عندكم الخردل (موتارد) حبوب ضيفو رشة منو كيعطي طعم مميز
ربع كاس خل (كاس العنبة)
ملح (حسب الذوق)
رشة ابزار
2 ضروس كبيرة ثوم
ربطة صغيرة معدنوس منقي و مغسول و منشف

الطريقة:











اولا نقيو الثوم



و نقطعوه





نطحنوه او ندقوه



ثم في الخلاط كنعملو الخل


مع البيضة كاملة



و الموتارد



و الثوم و الملح و الابزارلو كان عندكم الخردل (موتارد) حبوب ضيفو رشة منو كيعطي طعم مميز


و المعدنوس






و كنطربو الكل حتى كيولي الخليط على شكل موس




ثم كنبداو نضيفو ليه الزيت و حنا كنخلطوه بنفس السرعة ،
كنكبو الزيت على شكل خيط رقيق كيف مبين فالصورة

ماشي بالضرورة استعمال كل كمية الزيت غير يبان ليكم المايونيز عقد و اصبح كريمة ثقيلة و كثيفة حبسو الزيت و التخلاط





كنكبوه فقرعة معقمة و كتغلق مزيان








و هاهو مايونيز المعدنوس جاهز للاستعمال او الحفظ فالثلاجة لحين احتياجو

التقديم:









اما كنقدمو بطبق جانبي مرفق للسلطات و المشاوي و المقبلات





للتغميس او الدهن



او كنخكط بيه السلطات و المشاوي مباشرة



و بالصحة و الراحة







ان شاء الله تعجبكم الوصفة و تجربوها
و بإذن الله نحط ليكم طرق اخرى لعمل صوصات و كريمات للسلطات و المقبلات تنوعو بيها اطباقكم

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته